Contos para pasalo de medo!

MOITÍSIMAS GRAZAS A TODOS E TODAS AS PARTICIPANTES NESTA V EDICIÓN DE "PASÁMOLO DE MEDO NO SAMAÍN"!!!

Hoxe seredes os nosos e as nosas protagonistas, xunto coa velliña e o lobo de CORRE, CORRE, CABACIÑA (OQO)

Os nenos e nenas de 3ºC:

 

A familia de Álex, de 3 anos A, tamén nos quixo contar Corre, corre, cabaciña: pica aquí para escoitar o conto.

ACTUALIZACIÓN:

Non vos perdades a colaboración do alumnado de 5ºB coas súas propias HISTORIAS DE MEDO! Podedes comezar a tremer, picando aquí.

🎃De novo, MOITAS GRAZAS a todos e todas as participantes!🎃

 

Pasámolo de medo no Samaín

Achégase o final de outubro e, con el, a nosa quinta edición das sesións de contacontos PASÁMOLO DE MEDO NO SAMAÍN.

Este ano non poderemos celebralo no espazo da biblio, pero iso non quere dicir que non vaiamos compartir as vosas historias máis terroríficas con tódalas aulas do cole. 

Os nenos e nenas de Infantil, 1º e 2º están desexosos e desexosas de que llas contedes. E, como podedes facelo sen saír da clase? Sinxelo, gravade a vosa historia en audio ou vídeo e facédenola chegar ao seguinte correo: mestra.estefi@gmail.com. Algunhas delas serán compartidas a través deste blog! 

Lembrade que as historias poden ser inventadas e, tamén, recompiladas da vosa biblioteca particular ou da biblioteca do cole. No vestíbulo principal deixámosvos unha selección de títulos que poderedes solicitar en préstamo dende xa aos vosos titores e titoras. 

Aquí tedes a listaxe completa de libros: LIBROS SAMAÍN. 

Para ir entrando no papel, deixámosvos algúns dos recursos que o Equipo de Dinamización da Lingua Galega estivo buscando para vós: picade aquí para velos. 

🎃Animádevos a enviarnos o voso conto, queremos pasalo de medo!🎃

Recursos para o Samaín

O Equipo de Dinamización da Lingua do cole axúdanos a desfrutar máis desta celebración. Non vos perdades os recursos que recompilaron para nós:

- VÍDEO-CONTOS:

1. Silly Simphony, The Skeleton Dance, curta de Disney do ano 1929!

2. Haunted House, Mickey Mouse, outra curta de Disney do ano 1929

3. A bruxa Regañadentes, publicado en luscofuscotv.

4. Fiz, o coleccionista de medos, publicado en OQO filmes-galego.

5. Corre, corre cabaciña, publicado en OQO filmes-galego.

- CANCIÓNS:

1. No Samaín, de Brinca Vai!

2. O Samaín, de Uxía Lambona e a banda molona.

3. Canción do Samaín con pictogramas, de Mamacabra.

4. Samaín, de Kókiti.

5. Samaín, de Andrea Picos e Jesús Pareja.

6. Os monstriños, da Editorial Santillana.

7. A bruxa Maruxa, do libro-disco María Fumaça. 

GALICREQUES no CSC do Castiñeiriño

Ola de novo, lectores e lectoras!

Esta fin de semana achegámosvos un par de eventos do máis interesantes que se van celebrar no centro sociocultural Agustín Bueno, do barrio veciño do Castiñeiriño. 

Trátase de dúas propostas ben atractivas.

A primeira será un teatro de sombras e celebrarase mañá, domingo 18 de outubro ás 12 da mañá, con entrada de balde ata completar aforo. Aquí tedes o cartaz:

E aquí un vídeo do que vos atoparedes:

A segunda proposta, de teatro infantil, celebrarase o vindeiro sábado 24 de outubro ás 18:30h, tamén con entrada de balde ata completar o aforo. 

Aquí vos deixamos o cartaz:

E aquí un vídeo do que poderedes ver:

Para que saibades como chegar, deixamos por aquí a ubicación do CSC Agustín Bueno, do Castiñeiriño: 

Facebook do CSC Agustín Bueno, do Castiñeiriño (pincha aquí)

Non volo perdades! A maxia da lectura tamén se atopa nestas fermosas obras de teatro. E non esquezades contarnos que vos pareceu se decidides acudir, podedes facelo engadindo algún comentario neste artigo😉

Adeus, mestre QUINO

 Comezamos a publicar novidades no blog cunha triste nova que coñeciamos o pasado 30 de setembro. 

O pasamento de Quino deixou orfa a Mafalda, pero, grazas a accións coma as dos nenos e nenas de 5ºB, esta nena que nos namorou a todos e todas por igual, xamais desaparecerá das nosas conciencias. 

Aquí vos compartimos este traballo de tradución ao galego dalgunhas das tiras de Mafalda, co que, ademais, o alumnado tivo a oportunidade de coñecer o importante papel do humor gráfico na denuncia dos grandes problemas sociais. 

- Enlace á nota informativa elaborada pola aula: 

- Enlace ao vídeo coas producións: 

https://drive.google.com/file/d/1cDW-QnDHyzvY3Ehop6CVcxNkYk5BwQ7N/view?usp=sharing

- Unha mostra, co traballo de Esther, elixido na aula para amosar:

Benvido, CURSO 20-21

Ola, amigos e amigas da Biblio Furelo:

por fin estamos de volta! Xa tiñamos ganas de saber de vós, e, segundo nos contou o noso ratiño, vós tamén estabades desexosos e desexosas de recibir noticias nosas. 

Como sabedes, estamos inmersos nunha situación de alerta sanitaria que, se ben non nos debe amargar a estancia no cole, sí nos obriga a poñer todo da nosa parte para que estes meses se sucedan da maneira máis segura posible. Está na nosa man facelo ben e axudar a que as cousas melloren; todos e todas podemos ser heroes e heroínas unha vez máis. 

É por isto que, este ano, a Biblioteca non poderá recibirvos coma sempre no seu interior, pois, como sabedes, ata que as cousas melloren, estará ocupada por outras clases que precisan dese espazo. Deste xeito, tócanos a nós propoñervos que recibades a Biblio Furelo en cada unha das vosas aulas. 

-VÓS NON PODEDES ENTRAR, PERO NÓS PODEMOS SAÍR, AXUDÁDENOS A CHEGAR LONXE- 

E, como imos facer isto?, vos estaredes preguntando. Moi pronto volo contaremos, estade atentos e atentas a este blog para non perdervos ninguna novidade!