 |
Tira de Luis Davila, para calendario UVigo 2017 |
Como moitos e moitas de vós sabedes xa, este ano o proxecto documental que desenvolveremos no centro xirará arredor da ARTE feita en Galicia. Nestes tempos un tanto escuros, quixemos poñerlle un pouco de cor aos nosos días e non se nos ocorreu mellor xeito de facelo que da man dalgunhas e dalgúns dos nosos artistas máis queridos e representativos.
Non podiamos comezar con mellor pé esta
sección de “NamorARTE en GALEGO” na que iremos recollendo os diversos traballos
das aulas. Aquí vos deixamos unha captura da vídeo-chamada que unhas nenas da
clase de 5º fixeron ao noso benquerido LUIS DAVILA para preparar a súa emisión
en Radio Furelo.
Como vedes, estas xornalistas en potencia souberon sacar proveito do momento e non só falaron da vida no rural ou de Dora, senón tamén da importancia de manterse informado para lograr facer humor da actualidade e mesmo coñecemos o lugar de traballo deste gran humorista gráfico.
Moitas grazas a Sarela,
Nadia e, especialmente, a Luis Davila por permitirnos coñecelo un pouco máis!
Atentos e atentas á etiqueta #NamorARTE! Pronto
iremos descubrindo a máis artistas🎨
Ningún comentario:
Publicar un comentario